KAPIN sa 40 ka mga balay ang nangaguba tungod sa kakusog sa hampak sa bawod nga dala sa hanging habagat sa may Sitio Abalo, Brgy. Cansojong, dakbayan sa Talisay niadtong Martes.
Apektado karun ang dul-an sa 50 ka pamilya nga nag puyo sa baybayon sa dapit human nga gihampak sa dagkong bawod ang ilang panimalay, diin unom ka balay niini ang kompleto nga naguba.
Matud sa mga residente sag dapit nga nakasinati na sila kaniadto og kusog nga hapak sa dagkong bawod apan di susama sa ilang nasinati niadtong Martes.
Matud ni Talisay City Disaster Risk Reduction Management officer Alvin Santillana nga di na luwas puy-an ang dapit, ilabi na sa panahon nga adunay mosud nga bagyo sa Pilipinas.
Giawhag usab ni Santillana ang mga lumolopyo sa dapit nga mobalhin na sa mas luwas nga lugar ug biyaan na ang dapit.
Apan matud sa mga residente nga wa silay mahimo kay wa pa silay kabalhinan nga lugar ug usa pa, naa didto ang ilang pinangabuhian nga mao ang pagpangisda.
c superbalita.
0 Comments